Is ar mhaithe le forbairt na nEalaíon Dúchasach agus Comhaimseartha sa Ghaeltacht a cuireadh tús le hEalaín na Gaeltachta, comhpháirtíocht idir Údarás na Gaeltachta agus An Chomhairle Ealaíon i 1997.
Cuireann Ealaín na Gaeltachta seirbhísí agus scéimeanna deontais ar fáil, a thacaíonn le forbairt eagraíochtaí ealaíon agus le healaíontóirí aonair. Cuidímid le tacaíocht oiliúna agus meantóireachta a chur ar fáil, chomh maith le tacú le tionscnaimh a chabhraíonn le cumas agus infreastruchtúir na n-ealaíon sa Ghaeltacht a thógáil agus a neartú.
Foireann Ealaín na Gaeltachta
Bord Stiúrtha Ealaín na Gaeltacha
Cuireann Siubhán Nic Grianna, Bainisteoir Pleanála Teanga le hÚdarás na Gaeltachta, obair an Údarás agus a ghníomhaíochtaí chun cinn maidir le pleanáil na Gaeilge, forbairt fiontraíochta agus cruthú poist. Oibríonn sí go dlúth le heagraíocht, a mhacasmahil Ealaín na Gaeltachta, coistí agus oifigigh pleanála teanga chun a chinntiú go dtugann an pobal, gníomhaireachtaí stáit eile agus gach páirtí leasmhar aird ar an obair a dhéanann an tÚdarás agus a thacaíonn leis an ról gníomhach a bhíonn ag pobal na Gaeltachta i ngníomhaíochtaí eacnamaíochta, sóisialta agus cultúrtha a bpobail.
Dáta Ceapeacháin: 27/3/13
Tá Miriam ag obair sa Rannóg Fiontraíochta agus Fostaíochta san Údarás agus tá freagracht shonrach aige maidir le cliantchuideachtaí sna hearnálacha cruthú ábhair / closamhairc agus eolaíochta saoil. Tá suim mhór ag Miriam sna healaíona, go háirithe drámaíocht amaitéarach.
Dáta Ceapeacháin: 10/4/18
Is ó Chorca Dhuibhne ó dhúchas í Lís. Tá sí ag obair le TG4 ó bunaíodh an cainéal, faoi láthair mar Stiúrthóir Margaíochta, Forbartha & Comhpháirtíochta, agus roimhe sin mar Stiúrthóir Aschur agus Ceannachán. Bhí sí lárnach i bhforbairt Cúla4 agus Branda TG4. Tá iarchéim aici in Riarachán na nEalaíne agus sular thosaigh sí in earnáil na teilifíse, chaith Lís seal ag obair le Pròiseact nan Ealan in Albain, agus leis ghrúpa Amharclannaíochta Na Fánaithe. Tá suim ar leith aici in Ealaín pobail agus in Ealaín na nÓg.
Dáta Ceapeacháin: 9/12/21
Is as Baile Átha Cliath don fhidléir iomráiteach, Paddy Glackin. Bhí Paddy ar dhuine de lucht bhunaithe 'The Bothy Band'. Tá an gradam is mó i gCeol Traidisiúnta na hÉireann, Gradam Ceoil TG4, bronnta ar an gceoltóir a thugann aitheantas don méid atá déanta aige ar son an cheoil anseo le beagnach 50 bliain agus é fós ina bhun. Chaith sé blianta ag obair leis an chraoltóireacht fosta le RTÉ mar léiritheoir, eagarthóir agus léiritheoir.
Dáta Ceapeacháin: 10/1/22
Is Oifigeach Socrúchán in Ollscoil na Gaillimhe í Máire Áine Uí Ailín. Tá sí freagrach as riaradh Clár Socrúchán Oibre do mhic léinn atá i mbun BA le Gaeilge agus mic léinn atá ag staidéar Dlí le Gaeilge. Tá BA sa Ghaeilge aici agus MA sa Phleanáil Teanga. Is as Ceantar na nOileán di ó dhúchas agus tá sí ina cónaí ar an gCeathrú Rua.
Dáta Ceapeacháin: 12/12/23
Is iar-Stiúrthóir ar Choláiste na Rinne, i nGaeltacht na Déise, é Mícheál Ó Drisleáin. Tá Ph.D sa Ghaeilge bainte amach aige ó Choláiste na hOllscoile, Corcaigh agus tá sé ag obair mar chomharleoir gnó/margaíochta.
Dáta Ceapeacháin: 12/12/23
