Ealaíontóirí.

Tacú le healaíontóirí Gaeltachta lena gcleachtais agus lena ngairmeacha beatha a chothú agus a fhorbairt.

Tá obair Ealaín na Gaeltachta dírithe go príomha ar ealaíontóirí atá lonnaithe sa Ghaeltacht. I gcomhthéacs na straitéise seo, is é an bhrí atá le healaíontóir ná duine a bhíonn ag gabháil do ghníomhaíocht a bhaineann le healaín a chruthú, na healaíona a chleachtadh, agus/nó ealaín a léiriú ag baint úsáid as samhlaíocht chruthaitheach.

Spriocanna

Cuidiú le healaíontóirí Gaeltachta forbairt a dhéanamh ar a gcleachtas ag gach staid dá ngairmeacha.
Tacú le healaíontóirí Gaeltachta teacht ar lucht féachana/éisteachta dá saothar agus gairm bheatha a bhaint amach.
Próifíl na n-ealaíontóirí Gaeltachta a ardú agus aitheantas a thabhairt dá saothar.

Príomhghníomhaíochtaí

Tacaíocht a chur ar fáil d’ealaíontóirí Gaeltachta trínár scéimeanna maoinithe.
Deiseanna forbartha a chur ar fáil d’ealaíontóirí Gaeltachta trínár gclár oiliúna.
Comhoibriú le hÚdarás na Gaeltachta chun spásanna oibre oiriúnacha agus tacaíochtaí cuí a chur ar fáil d’ealaíontóirí.
Tacú le healaíontóirí Gaeltachta teacht ar dheiseanna agus ar fhoinsí breise tacaíochta.
Leanúint leis an gcomhoibriú le heagrais náisiúnta agus idirnáisiúnta (go háirithe leis an gComhairle Ealaíon) chun go mbeidh fáil ag ealaíontóirí Gaeltachta ar dheiseanna agus ar thacaíochtaí atá ar comhchéim leis an gcuid eile den tír.
Bearnaí i réimsí ealaíon faoi leith a aithint agus oibriú i gcomhpháirt le páirtithe leasmhara chun tabhairt faoi ghníomhartha forbartha ina leith.
Leanúint ar aghaidh agus forbairt a dhéanamh ar chlár abhcóideachta chun próifíl na n-ealaíontóirí Gaeltachta a ardú.

Tabhair bronntanas duit féin gach mí!

Bí páirteach i saol bríomhar na n-ealaíon agus an chultúir sa Ghaeltacht – faigh nuachtlitir mhíosúil ó Ealaín na Gaeltachta agus conneofar ar an eolas thú faoi imeachtaí agus faoin nuacht is déanaí, agus faoi na síolta cruthaitheacha Gaelacha.