Eagrais.

Bonneagar ealaíon na Gaeltachta a neartú.

Baineann an réimse seo go príomha le heagraíochtaí atá lonnaithe sa Ghaeltacht agus a thacaíonn le cur chun cinn na n-ealaíon sa Ghaeltacht. Is ceann de na heagrais sin atá in Ealaín na Gaeltachta.

Spriocanna

Cumas, acmhainn agus tionchar na n-eagras ealaíon Gaeltachta a fhás agus a fhorbairt ar bhonn inbhuanaithe.
Cumas eagraíochtúil Ealaín na Gaeltachta a fheabhsú chun freastal go héifeachtach ar riachtanais na hearnála.
Tionchar Ealaín na Gaeltachta a neartú in earnáil na n-ealaíon sa Ghaeltacht, go náisiúnta agus go hidirnáisiúnta.

Príomhghníomhaíochtaí

Leanúint leis an tacaíocht d’eagrais ealaíon trínár scéimeanna maoinithe.
Tacú le heagrais ealaíon Gaeltachta clár forbartha a chur i bhfeidhm chun bonn inbhuanaithe a chur faoina gcuid oibre.
Clár oiliúna a fhorbairt chun tacú le dea-chleachtais sna heagrais a mbímid ag plé leo.
Comhoibriú lenár bpríomhmhaoinitheoirí chun maoiniú ilbhliantúil a aontú d’Ealaín na Gaeltachta chun freastal níos éifeachtaí a dhéanamh ar riachtanais na n-eagras.
Caidreamh leanúnach a fhorbairt idir foireann Ealaín na Gaeltachta agus foireann na Comhairle Ealaíon maidir le cúrsaí ealaíon agus cúrsaí forbartha na n-ealaíon.
Straitéis Oiriúnaithe Aeráide d’Ealaín na Gaeltachta a fhorbairt agus a chur i bhfeidhm.
Athbhreithniú agus athchóiriú a dhéanamh ar chórais inmheánacha Ealaín na Gaeltachta le go gcuirfear córas níos éifeachtaí i bhfeidhm chun freastal ar riachtanais na hearnála.
Forbairt a dhéanamh ar chleachtais agus ar chórais mhonatóireachta agus mheastóireachta chun riachtanais na hearnála a thuiscint agus a mheas go leanúnach.
Sonraí agus eolas a bhailiú ar an dóigh chéanna is atá an Chomhairle Ealaíon á mbailiú, de réir mhúnlaí agus chuir chuige atá in úsáid ag na hÚdaráis Áitiúla.
Cumas agus saineolas fhoireann Ealaín na Gaeltachta a chothú trí oiliúint, forbairt ghairmiúil agus naisc a chothú ar fud earnáil na n-ealaíon go náisiúnta.
Ealaín na Gaeltachta a chur chun tosaigh mar chuid lárnach d’earnáil na n-ealaíon go náisiúnta agus naisc shuntasacha a fhorbairt le heagrais náisiúnta ar bhonn rialta.

Tabhair bronntanas duit féin gach mí!

Bí páirteach i saol bríomhar na n-ealaíon agus an chultúir sa Ghaeltacht – faigh nuachtlitir mhíosúil ó Ealaín na Gaeltachta agus conneofar ar an eolas thú faoi imeachtaí agus faoin nuacht is déanaí, agus faoi na síolta cruthaitheacha Gaelacha.