Daoine Óga.

Tacú le deiseanna rannpháirtíochta sna healaíona don óige.

Is ar dhaoine óga a bhfuil cónaí orthu i gceantair Ghaeltachta a dhíríonn obair Ealaín na Gaeltachta.

Spriocanna

Méadú ar an líon agus ar an réimse deiseanna atá ar fáil d’aos óg na Gaeltachta chun bheith rannpháirteach sna healaíona (mar spriocghrúpa agus mar lucht féachana).
Tacú le heagrais agus le healaíontóirí dea-chleachtas a bhaint amach ina gcuid oibre leis an aos óg.
Deimhniú go bhfuil guth na hóige lárnach in obair Ealaín na Gaeltachta agus sna heagrais mhaoinithe a bhaineann léi.
Obair agus tacaíochtaí Ealaín na Gaeltachta don óige a bheith córasach i ngach ceann dár scéimeanna maoinithe, na réimsí ealaíon agus ár gcláir oibre.
Rannóg óige a fhorbairt laistigh d’Ealaín na Gaeltachta a bheidh ag plé leis na réimsí uile ealaíon.

Príomhghníomhaíochtaí

Leanúint leis an tacaíocht a chuirtear ar fáil do na healaíona don óige trínár gclár oibre agus bearnaí a aithint agus céimeanna a ghlacadh lena dhul i ngleic leo.
Comhpháirtíochtaí a chothú le heagrais agus le tograí ealaíon náisiúnta lena dheimhniú go rachaidh siad chun leas phobal na Gaeltachta.
Leanúint agus tógáil ar an gclár oiliúna agus forbartha i réimsí an dea-chleachtais in earnáil na n-ealaíon don óige.
Múnla agus próiseas comhairliúcháin leis an óige a fhorbairt agus a chomhtháthú in infreastruchtúr Ealaín na Gaeltachta.
Athbhreithniú agus athchóiriú a dhéanamh ar scéimeanna maoinithe agus ar chórais oibre Ealaín na Gaeltachta chun tacaíocht chórasach agus tacaíocht níos éifeachtaí a fhorbairt sna healaíona don óige.

Tabhair bronntanas duit féin achan mhí!

Bí páirteach sa saol bríomhar ealaíon agus cultúir sa Ghaeltacht – faigh nuachtlitir mhíosúil ó Ealaín na Gaeltachta agus beidh tú i gcónaí ar an eolas faoi imeachtaí, nuacht, agus na síolta cruthaitheacha Gaelacha.