About Us
Ealaín na Gaeltachta Teo. promotes the development of the contemporary and the traditional arts in the Gaeltacht and is a joint venture between Údarás na Gaeltachta and the Arts Council.
Ealaín na Gaeltachta provides services and grant schemes that support the development of arts organisations and individual artists. We also support training and mentoring support, as well as supporting initiatives that help build the capacity of and infrastructure for the arts in the Gaeltacht.
Sparánacht d’ealaíontóirí Gaeilge le freastal ar imeachtaí Baboró
Tá Ealaín na Gaeltachta, i gcomhar le Baboró – an fhéile idirnáisiúnta ealaíon do pháistí – ag cur cúig sparánacht ar fáil d’ealaíontóirí le Gaeilge atá lonnaithe sa Ghaeltacht chun freastal ar cheardlann phuipéadóireachta le Marc Mac Lochlainn (Branar), agus an léiriú The Maker (Dan Colley, le Manus Halligan agus Raymond Keane) ag féile Baboró 2025.
Clúdóidh gach sparánacht cead isteach do dhuine aonair don cheardlann agus don léiriú agus liúntas cothabhála i dtreo taistil agus lóin ar an Máirt, 14 Deireadh Fómhair.
Glacfar le hiarratais suas go dtí 14:00, Dé Céadaoin, 8 Deireadh Fómhair 2025.
Ranganna sna healaíona dúchasacha i gConamara agus Árainn.
Tá áthas orainn clár ama Cuisle – clár sna healaíona dúchasacha don óige de chuid Ealaín na Gaeltachta – a sheoladh arís i mbliana. Cuireann Cuisle ranganna sa cheol traidisiúnta, na healaíona béil, damhsa agus amhránaíocht ar na sean-nós ar siúl i rith agus i ndiaidh am scoile i gConamara agus Árainn.
Tá buíochas mór ag dul do theagascóirí Cuisle as an obair mhór a dhéanann siad leis na gasúir ó bhliain go bliain, lena chinntiú go bhfuil na healaíona dúchasacha á gcoinneáil beo i measc óige na Gaeltachta.
Tá muid ag baint úsáide as córas nua clárúcháin i mbliana agus síleann muid go ndéanfaidh sé seo rudaí níos fusa dúinn go léir. Is é an córas Class For Kids atá in úsáid againn agus is éasca é a úsáid.
Le do ghasúr a chlárú ní gá ach cliceáil ar an nasc Clárúchán – CUISLE nó an Cód QR atá ar an gclár ama a scanadh agus a úsáid.
Féach ar an bhfíseán gearr anseo le treoir a fháil, más gá: Treoir maidir le Clárú ar Class For Kids.
N.B. Is gá íocaíocht a dhéanamh lena chinntiú go mbeidh do ghasúr cláraithe. Ní bheidh aon spás cinntithe go dtí go mbeidh an táille íoctha.
Tá clár Cuisle – clár óige Ealaín na Gaeltachta – arna mhaoiniú ag an Roinn Forbartha Tuaithe agus Pobail agus Gaeltachta.
Oiliúint Comhionannais Míchumais d’Fhéilte agus d’Eagraíochtaí Ealaíon
Oiliúint Comhionannais Míchumais d’Fhéilte agus d’Eagraíochtaí Ealaíon á cur ar fáil ag Arts & Disability Ireland:
Dé Máirt 30.09.25 7–9 i.n. ar líne nó Céadaoin 1.10.25 10–12 i.n. ar líne
Tá an oiliúint seo dírithe ar eagraíochtaí ealaíon atá ag iarraidh ealaíontóirí agus lucht éisteachta/féachana atá faoi mhíchumas a chur san áireamh sa méid a dhéanann siad.
