Tá áthas ar Ealaín na Gaeltachta fógairt go bhfuil an Scéim Sparánachta d’Ealaíontóirí ar oscailt anois, le spriocdháta ar an chéad lá de mhí na Samhna, 01/11/2021.
Cuirtear fáilte roimh ealaíontóirí Gaeltachta, ag chuile staid dá gcleachtas gairmiúil, iarratas a dhéanamh ar an Scéim Sparánachta i mbliana.
Tugann sparánacht deis d’ealaíontóir am a chur ar leataobh le gné dá gcleachtas ealaíona a fhiosrú agus a fhorbairt, agus/nó le saothar faoi leith a fhorbairt. Tá an scéim dírithe orthu siúd atá ag saothrú mar ealaíontóirí ag chuile staid dá gcleachtas gairmiúil atá ina gcónaí sa Ghaeltacht.
Fáiltíonn muid roimh iarratais ó ealaíontóirí in aon mheán nó réimse ealaíona iarratas a dhéanamh, m.sh. scríbhneoirí, ceoltóirí, rinceoirí, fís-ealaíontóirí, aisteoirí & r.l.
Thig iarratas a íodlódáil anseo, mar aon le treoracha le cuidiú leat an fhoirm a chomhlíonadh. Is féidir, agus moltar, labhairt leis an Áisitheoir Ealaíon id’ réigiún, a bheidh lán sásta cabhrú leat d’iarratas a dhéanamh.
Is é an spriocdháta d’iarratais ná 1ú Samhain 2021.
